சிறுமியுடன் ஒன்றாக இருந்த இளைஞன் உட்பட இருவருக்கு மறியல்

யாழ்ப்பாணத்தில் 15 வயது பாடசாலை மாணவியுடன் குடும்பம் நடத்திய 19 வயது இளைஞன் மற்றும் அதற்கு உடந்தையாக இருந்த பெண்ணையும் 31ம் திகதி வர விளக்கமறியலில் வைக்குமாறு யாழ்ப்பாணம் மேல் நீதிமன்றம் உத்தரவு பிறப்பித்துள்ளது.

வலிகாமத்தை சேர்ந்த 15 வயது பாடசாலை மாணவிக்கும், 19 வயது இளைஞனிற்கும் இடையில் காதல் ஏற்பட்டு, பெண்ணின் உறவினர் வீடொன்றில் அவர்கள் தங்கியிருந்துள்ளனர். இவ்விடயம் தொடர்பாக யாழ்ப்பாணம் பொலிஸ் நிலையத்தில் மாணவியின் பெற்றோர் முறைப்பாடு பதிவு செய்துள்ளனர்.

குறித்த முறைப்பாட்டுக்கமைய விசாரணைகளை முன்னெடுத்த பொலிஸார், மாணவியையும் இளைஞனையும் யாழ்ப்பாணம் நகரிலுள்ள வீடொன்றிலிருந்து மீட்டனர். அதனைத் தொடர்ந்து மாணவியை மருத்துவ சோதனைக்காக யாழ்ப்பாணம் போதனா வைத்தியசாலையில் பொலிஸார் சேர்த்துள்ளனர்.

இந்நிலையில் இளைஞனும் அவருக்கு தங்குமிடம் வழங்கி உடந்தையாகவிருந்தார் என்ற குற்றச்சாட்டில் பெண் ஒருவரும் யாழ்ப்பாணம் பொலிஸாரால் நேற்று முன்தினம் கைது செய்யப்பட்டனர்.

Leave a Reply

Your email address will not be published. Required fields are marked *